Duket se nuk kanë të mbaruar dëmtimet tek Interi. Pas humbjes ndaj Kaljarit, Stramaccioni duhet të bëjë pa Nagatomon dhe Garganon. Situata më kritike është ajo e japonezit, i cili mund të ketë humbur pjesën e mbetur të sezonit për shkak të një dëmtimi në menisk. Ndërsa argjentinasi Gargano pësoi një dëmtim në kofshën e këmbës së majtë. Të dy lojtarët u dëmtuan në pjesën e dytë të takimit Cagliari-Inter, të përfunduar me rezultatin 2-0. Interi do të luajë të mërkurën në mbrëmje gjysmëfinalen e kthimit të Kupës së Italisë ndaj Romës. Ndeshja e parë në “Olimpico” ka përfunduar me rezultatin 2-1 për skuadrën kryeqytetase dhe eliminimi do të nënkuptonte një sezon tërësisht të dështuar për zikaltërit.
